Ikaw Manong,

Ang tingin mong parang

   sa narurupok na kahoy.

Inaanay.

Para bagang nabasang kahoy

   na walang buhay.

Unti-unting kinakain ng sarili

   nitong nabubulok na kamatayan.

O, Ikaw manong

   na di man lamang makatitig.

Ni walang lakas ang mga mata mong

   hamunin akong matignan ka.

Ang matignan ka.

Ikaw. At ang naging ikaw.

Ang kung sino ka dati.

Manong, ikaw -

   na hindi man lamang magawang matignan

   kung sino ka.

Manong, ikaw -

   ang nawawala mong lakas

   upang itaas pa ang iyong paningin.

   - sa pangarap

   - sa hinaharap…

Nakikita kita

**painting "Dugos Man" credits to Mr.Errol Balcos